Vieiros

Ernesto Laclau naceu en Bós Aires e na actualidade é profesor de Teoría Política na Universidade de Essex. O seu traballo máis coñecido é Hexemonía e Estratexia Socialista, obra fundacional do postmarxismo, e do que é coautora Chantal Mouffe. Participou moi activamente nos movementos sociais e estudiantís dos anos sesenta, tentando unir a clase obreira cos novos movementos sociais. Rexeitou o determinismo económico marxista e avogou por unha democracia radical.

Hai dous anos publicou A razón populista e hai uns meses rematou o seu último traballo, Universalidade elusiva. No Consello da Cultura falará sobre A articulación e os límites da metáfora. Podes descargar aquí o texto da súa conferencia.