Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Videovixilancia en Vigo

Vixíannos ou non?

Tras denunciar un veciño por realizar un acto vandálico gravado con cámaras de vídeo, a Policía Local agora nega o uso destes dispositivos.

Redacción - 10:15 20/01/2008
O MARCO ten cámaras de videovixilancia

O MARCO ten cámaras de videovixilancia

O destrozo dunha das figuras da Cow Parade de Vigo foi o punto de partida dun conflito sobre o dereito de intimidade dos cidadáns. A Policía Local denunciou os feitos tras coñecer a identidade do mozo acusado grazas ás imaxes proporcionadas por unha cámara de videovixilancia dunha empresa privada.

Tras coñecer os feitos, o Movemento polos Dereitos Civís (MpDC) instou á Axencia Española de Protección de Datos a investigar sobre a legalidade destes dispositivos de seguridade co obxectivo de que retirase as videocámaras por vulnerar os dereitos fundamentais dos cidadáns. Malia isto, o Concello de Vigo afirma agora non ter constancia da existencia desas cámaras nin ter identificado ao presunto culpábel a través desas imaxes.

No informe aportado pola Axencia, aseguran que a identificación do acusado foi grazas á presencia dunha patrulla local. A pesar disto, a recoñecen a existencia de dispositivos situados no edificio do Museo de Arte Contemporánea, próximo á localización da figura da Cow Parade, pero aclaran que estas cámaras “son empregadas de forma exclusiva para a vixilancia do citado edificio, non recollendo imaxes da vaca”.

Cámara sen carrete

Segundo indica o MpDC non é a primeira vez que as autoridades de Vigo ten unha actuación dubidosa en relación cos dereitos de imaxe, xa que a Policía Local xa fotografou aos veciños que se congregaban diante do Concello para asistir a un pleno, asegurando ante as acusacións que a cámara non tiña carrete.

Dende este colectivo denuncian que a seguridade xurídica dos cidadáns “queda en entredito”, xa que non existen garantías legais para a protección efectiva dos dereitos das persoas no referente ao honor, a intimidade e a propia imaxe, xa que a instalación de cámaras de videovixilancia non cumpre os requisitos mínimos para garantir eses dereitos.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: