Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ANIMACIÓN

Tres filmes galegos no Future Film Festival de Italia

'De profundis', 'A crise carnívora' e 'A flor máis grande do mundo' poderánse ver en Bolonia até o día 20.

Redacción - 12:44 14/01/2008

O Future Film Festival é unha das citas máis importantes do ano para a animación europea, e nesta edición céntrase nos traballos realizados no Estado Español. Entre os filmes seleccionados figuran De Profundis (Continental), de Miguelanxo Prado con música de Nani García, que en maio viaxará a Praga para participar no Anifest 2008. De Profundis entra na sección oficial do Future Film Festival.

Ademais, en Bolonia poderán verse varias obras de Juan Pablo Etcheverry, entre elas o seu último traballo, A flor máis grande do mundo. Etcheverry estará no festival para presentar a súa produción. Finalmente, proxectarase igualmente A crise carnívora, a primeira longametraxe en animación flash para a gran pantalla, dirixida polo vasco Pedro Rivero e impulsada por Continental, que se proxectou no Festival de Sitges e no Zinebi e que en Bolonia preséntase fóra de competición.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Un fotograma de 'De Profundis'
Un fotograma de 'De Profundis'
'A flor máis grande do mundo'
'A flor máis grande do mundo'
'A crise carnívora'
'A crise carnívora'