Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Cinco toneladas agochadas

A cocaína incautada en Lisboa viña a Galiza camuflada con peixe conxelado

Redacción - 09:30 06/01/2008

O xuíz de instrución xa interrogou os seis detidos e decretou prisión provisional para eles, por considerar que existe perigo de fuga e perturbación da investigación.

O labor de investigación que levou a esta detención estivo a cargo da dirección central de Investigación do Tráfico de Estupefacientes da PJ, en colaboración con axentes galegos da Unidade de Drogas e Crime organizado (Udyco).

O barco viña de Venezuela cargado de peixe conxelado e tiña como destino Galiza, para a partir de aí distribuír a cocaína a todo o Estado. As cinco toneladas incautadas estaban escondidas no xeo que cubría un grande lote de peixe importado. O feito de que a cocaína estivese no medio do xeo obrigou as autoridades a esperar a que este se desconxelase para saber cal era a cantidade exacta de droga. Esta é unha das maiores incautacións de droga realizadas polas autoridades lusas, despois das oito toneladas de cocaína incautadas no Algarve, ao sur do país, en 2006.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: