Vieiros

Vieiros de meu Perfil


Máis Alá

Xestionado por Vieiros
RSS de Máis Alá
EN VIGO, OURENSE E PONTEVEDRA

Caixanova ofrecerá cinco novos obradoiros literarios

Tamén está prevista a realización de media ducia de conferencias e mesas redondas sobre o estado actual da literatura galega.

Redacción - 11:02 04/01/2008

Ao longo de 2008, o Espazo Literario Caixanova ofertará obradoiros de narrativa, de poesía, de perfeccionamento de relato, de creación literaria, de lectura, de voz e tamén un especificamente pensado para maiores, que estará centrado na súa experiencia vital e que ten a intención de que convertan a súa memoria en literatura. Todos os obradoiros están dirixidos por recoñecidos autores e críticos literarios, como Francisco Castro e Ramón Nicolás.

Tamén se organizará un Premio Escolar que pretende implicar a alumnos de Secundaria de todo o país. Así mesmo, creouse un blog, que permitirá aos asistentes dos obradoiros participar dunha forma activa nun foro de debate literario, así como publicar as súas creacións.

O programa complementarase cunha serie de conferencias, baixo o título de Os camiños da literatura galega, nas que intervirán Agustín Fernández Paz, Antonio García Teijeiro, Yolanda Castaño, Teresa Moure, María do Carmo Kruckenberg, Xosé Carlos Caneiro, Román Raña, María do Cebreiro, Marta Dacosta, María Xosé Queizán e Miguel Anxo Fernán-Vello.

Programa de Obradoiros
Obradoiro de lectura (Vigo, Centro Social Caixanova). 15, 22 e 29 de xaneiro, 12 e 19 de febreiro. 18.30 horas. Impartido por Ramón Nicolás.
Obradoiro de voz expresiva (Vigo, Centro Social Caixanova). 16 e 23 de xaneiro, 20 e 27 de febreiro, 5 e 12 de marzo, 2 e 9 de abril. 19.00 horas. Impartido por Alicia Borrás.
Obradoiro literario para maiores (Vigo, Centro Social Caixanova). 22 de febreiro, 7 e 14 de marzo, 11, 18 e 25 de abril, 7 e 14 de maio. 19.00 horas. Impartido por Francisco Castro e destinado a maiores de 60 años.
Obradoiro literario (Ourense, Centro de Desenvolvemento Caixanova). 10, 24 e 31 de marzo, 14, 21 e 28 de abril, 5 e 12 de maio. 19.00 horas. Impartido por Francisco Castro.
Obradoiro de creación literaria (Pontevedra, Centro Social Caixanova). 28 de marzo, 4 de abril, 16 e 30 de maio e 6 de xuño. 18.00 horas. Impartido por Francisco Castro.


1/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: