Vieiros

Vieiros de meu Perfil


Edición xeral

RSS de Edición xeral
ACONTECEU EN CERCEDA

Advirten dunha nova estafa vía burofax que supostamente remite Telefónica

A suposta empresa quere cobrar os danos provocados a un poste nun accidente de automóbil.

Redacción - 09:45 16/12/2007

Unha veciña do concello de Cerceda recibiu un estraño e inesperado burofax. Nel, a suposta delegación de Cádiz de Telefónica S.A.U. reclamáballe o pagamento de 586,99 euros por lle ter causado danos co seu automóbil a un poste en Granollers. Todo parece apuntar a unha nova modalidade de estafa, pois tanto os datos persoais da muller como a matrícula do vehículo son correctos.

Mais os supostos estafadores cometeron varios erros, pois as facturas son falsas, o CIF da suposta empresa non figura e o NIF do cliente é falso. Tampouco responden no teléfono que aparece no burofax. Un familiar da muller púxose en contacto coa Garda Civil para saber se houbera máis vítimas desta estafa, que parece ter como principais destinatarios a xente do rural, e amosou a súa preocupación pola orixe dos datos persoais, nuns feitos que poden vulnerar a Lei de Protección de Datos.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: