Vieiros

Vieiros de meu Perfil


Máis Alá

Xestionado por Vieiros
RSS de Máis Alá
O 4 DE FEBREIRO, EN SEVILLA

Eduardo Alonso, Ánxeles Cuña e 'Emigrados' optan ao Max de teatro

Calixto Bieito, de ascendencia galega, podería converterse no gran triunfador da noite con Plataforma, de Houellebecq, que suma 11 candidaturas

Redacción - 13:49 13/12/2007

O Premio Max ao Mellor Autor Teatral en Galego ten aspirantes de peso en 2007. Eduardo Alonso, con Imperial: Café cantante, Vigo 1936; Ánxeles Cuña, con Margar no pazo do tempo; e Suso de Toro, Cándido Pazó, Anxos Sumai, Xosé Manuel Pazos e Sonia Torre, autores de Emigrados, poderían facerse o 4 de febreiro en Sevilla co Premio.

Os candidatos teñen experiencia nos Max, sendo candidatos en varias ocasións. Por exemplo Eduardo Alonso foi finalista en 2005 por Ensaio e en 2006 por García. Máis sorte tiveron Cándido Pazo en 2002, cando obtivo o Max por Ñiki Ñake, e Suso de Toro en 2004, cando gañou con Círculo.

11 candidaturas para Calixto Bieito

A adaptación que o galego Calixto Bieito realizou da Plataforma de Michael Houellebecq recibiu once nominacións: Mellor Espectáculo de Teatro, Mellor Adaptación de Obra Teatral, Mellor Director de Escena, Mellor Actor Protagonista, Mellor Composición Musical, Mellor Escenografía e Mellor Deseño de Iluminación, así como catro candidaturas máis a actores de elenco. Bieito podería ser o gran triunfador da noite, en pugna con Bebé, Un enemigo del pueblo e Marat-Sade.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



`Imperial Café Cantante: Vigo 1936'
`Imperial Café Cantante: Vigo 1936'
'Margar no pazo do tempo'
'Margar no pazo do tempo'
'Emigrados'
'Emigrados'