Vieiros

Vieiros de meu Perfil


Edición xeral

RSS de Edición xeral
Charla anti-imperialista

François Houtart e Bautista Vidal na última semana de 'Pobre Mundo Rico'

O Simposio Internacional organizado polo CIP afronta as súas derradeiras xornadas coas conferencias destes dous referentes internacionais da loita contra a pobreza.

Redacción - 11:30 27/11/2007
François Houtart

François Houtart

Pobre Mundo Rico afronta á súa última semana coa participación do director do Centro Tricontinental de Lovaina La Nueva de Bélxica e teólogo da liberación, François Houtart, que falará sobre a loita contra a pobreza, a desigualdade, a inxustiza e o compromiso social en Vigo, Ourense e Compostela. O relator é un dos impulsores do Foro Mundial das Alternativas e do Foro Social Mundial, e achegará a Galiza a súa opinión sobre A construción anti-imperialista e antineoliberal.

Houtart estará acompañado o martes en Vigo e o mércores en Ourense polo presidente do Instituto do Sol de Brasil, José Walker Bautista Vidal, que falará sobre "Cultivar contra a pobreza", ofrecendo unha alternativa: "O cultivo das enerxías vexetais". O xoves en Compostela o segundo relator será o frade dominico, teólogo da Liberación e escritor Frei Betto que dará a súa opinión sobre a Pedagoxía da Liberación.

Ao longo destes dous meses pasaron por Pobre Mundo Rico máis de 100 persoas, que participaron como conferenciantes ou relatores das Mesas-Debate nas sete principais cidades de Galiza.

Última sesión de Cinema contra a Pobreza
O filme escollido para poñer fin a este ciclo de proxeccións é “Século da xente”, o último capítulo da serie Voces contra a globalización...outro mundo é posíbel?, que dá resposta, mediante unha linguaxe audiovisual documental, a moitas das preguntas formuladas ao longo deste Simposio Internacional organizado polo Club Internacional de Prensa.

Este sétimo capítulo céntrase nos sucesos de Seattle e Xénova, acode ao Foro Internacional de Porto Alegre e ao de Caracas e expón a pregunta de se realmente outro mundo é posíbel, engadindo as puntos chave de como ten que ser esa nova sociedade que xa está a nacer.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: