Vieiros

Este luns comeza na Pontenova un programa cultural dedicado a todos os públicos. A Consellaría de Cultura organiza Cultura en familia, composto por 56 actuacións en 15 concellos de pequeno tamaño durante dous meses. A programación contén espectáculos musicais, de maxia, contacontos, humor teatro, monicreques e novo circo para pequenos e grandes. O seu obxectivo é motivar a asistencia de toda a familia.

Cultura e Familia forma parte dos circuítos organizados pola consellaría para dinamizar a vida cultural dos concellos do país. Segundo o director xeral de Creación e Difusión Cultural, Luís Bará, a pretensión é “a formación de público novo” e “crear hábitos culturais entre os máis pequenos”.

Os concellos polos que se desenvolverá o programa son Pontecaldelas, Rianxo, Outes, Carral, Verín, Vilariño de Conso, A Mezquita, Allariz, Amoeiro, Castrelo de Miño, Castrelo do Val, A Pontenova, Barreiros e Castro de Rei.