Vieiros

A consellaría vén de convocar, por primeira vez, unha liña de axudas destinada á implantación de accións que potencien o ensino do galego no segundo ciclo de Educación Infantil en centros privados concertados.

Os colexios poderán acollerse a estas subvencións sempre que impartan o ensino nesa etapa na lingua do país e que presenten un proxecto para potenciar o idioma propio. Os centros que cumpran os requisitos recibirán axudas económicas de até 3.000 euros así como asesoramento técnico.

Dende Educación subliñan que a iniciativa está en consonancia co Plan Xeral de Normalización e co decreto que regula o uso e promoción do galego no ensino.