Vieiros

Vieiros de meu Perfil


Edición xeral

RSS de Edición xeral
Comercializados no Reino Unido

Zara retira unha colección de bolsos con esvásticas no seu deseño

Unha clienta británica da marca devolveu o artigo porque tiña esvásticas verdes nun lateral. Os bolsos foran deseñados e fabricados na India.

Redacción - 13:35 20/09/2007
Unha imaxe do bolso en cuestión / Imaxe: BBC

Unha imaxe do bolso en cuestión / Imaxe: BBC

A empresa, pertencente ao Grupo Inditex, retirou do mercado unha colección de bolsos despois de que unha clienta, Rachel Hatton, do Reino Unido devolvese un dos artigos porque tiña esvásticas no seu deseño. Segundo Hatton, devolveu inmediatamente o bolso á tenda porque "quedou totalmente alucinada de que tivese unha esvástica debuxada".

Segundo dixeron os directivos de Zara, a colección foi fabricada por un provedor da India, e afirman que no deseño orixinal, aprobado pola empresa, non aparecía o símbolo. Aínda que non se sabe con certeza se hai máis bolsos coa cruz. A serie, formada por diferentes modelos inspirados en símbolos hindús, foi retirada por completo do mercado.

Dende Zara din comprender a indignación da súa clienta, mais salientan que a esvástica non só ten un significado político. Aínda que en Europa se asocia ao nazismo, xa existía hai milleiros de anos no hinduísmo ou no budismo, e tamén era coñecida polos gregos como a cruz gamada, ao ter catro brazos enganchados, como a letra gamma do seu alfabeto.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: