Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Véspera da oficial

Vigo acolle este venres a II Marcha Cicloturista 'Vuelta a España'

Está organizada polo Movimiento Clima. O percorrido, de 145 quilómetros, será idéntico ao que disputen os profesionais na primeira tirada da competición.

Redacción - 12:30 28/08/2007

Coincidindo co inicio da 62ª edición da 'Vuelta a España', o Movimiento Clima, creado entre outros polo sindicato CCOO, organiza este venres a II Marcha Cicloturista 'Vuelta a España', con inicio e fin en Vigo. O percorrido, de 145 quilómetros, será idéntico ao que disputen os profesionais na primeira etapa da competición.

Os participantes darán tres voltas a un circuíto de 48 quilómetros, subindo en cada volta os altos de Vilarchán e de Zamáns, de terceira categoría. Nesta edición, prevese unha participación superior á do ano pasado en Almería (Andalucía), cun total de medio milleiro de cicloturistas procedentes de diversos países, sobre todo españois.

Fomentar o respecto ao medio natural

Segundo informou o sindicato CCOO, os obxectivos que inspiran a marcha son os de fomentar o cicloturismo como unha "actividade sociocultural e de respecto ao medio natural"; aproveitar a práctica deportiva do ciclismo "como actividade física, que está en permanente contacto coa natureza"; e concienciar a sociedade actual de que utilizando a bicicleta como medio de transporte "axudamos a non contaminar, co que contribuímos a conservar o noso planeta".

Ademais, regalaranse camisetas co logotipo de Movimiento Clima aos 1.500 primeiro inscritos na proba. Os tres primeiros corredores -en categoría masculina e feminina- en chegar a meta recibirán un presente simbólico, así como tamén o participante máis novo, o de maior idade, e o o club con maior número de ciclistas na marcha. Tamén se instalará unha carpa de Movimiento Clima con bicicletas estáticas para o uso dos asistentes.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: