Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Viñetas dende o Atlántico

Pinche Mundo e Barsowia: quenda de novidades para Polaqia na Coruña

O colectivo de banda deseñada lanza o número 10 de Barsowia, a novela gráfica Pinche Mundo e o Polaqia Sketchbook 1.

Redacción - 11:30 14/08/2007
Capa do número 10 de 'Barsowia'

Capa do número 10 de 'Barsowia'

Viñetas dende o Atlántico, o Salón do Cómic que se desenvolve durante esta semana na Coruña, chega o martes 14 á súa segunda xornada. O colectivo de autores galegos de banda deseñada Polaqia presenta a partir das seis e media da tarde o número 10 da súa publicación Barsowia.

Desta volta, a antoloxía semestral de banda deseñada inclúe traballos de autores da escena estatal, como Esteban Hernández e Carlos Vermut, que se suman a membros do colectivo: David Rubín, Sergio Covelo, Álvaro López e outros nomes do país como Miguel Robledo, Kohell e Carlos Portela.

Pero non son as únicas novidades que presenta Polaqia na Coruña. Dende o luns ofrecen no posto 22 dos Xardíns de Méndez Núñez, ademais, a novela gráfica Pinche Mundo, de Kike Benlloch e Diego Blanco. O álbum, de 76 páxinas, ten estrutura de road movie e está ambientado entre os Estados Unidos e México. Serve, ademais, para inaugurar a colección Rompehielos.

Por se fose pouco, durante o salón da banda deseñada agasallarase o Acompañante de Pinche Mundo coa compra da novela gráfica. Unha minirrevista de vinte páxinas que desvela o proceso de creación da obra. E outra novidade que se dá a coñecer na Coruña é o Polaqia Sketchbook 1, de Miguel Robledo, un minilibro de arte que recolle bosquexos inéditos do autor.

Máis presentacións Despois da presentación de Polaqia, intervirán no Viñetas dende o Atlántico dous autores. Ás sete da tarde, Álvaro Pons falará da novela gráfica, e, ás oito e cuarto, Tim Sale, que se fixo ultimamente moi coñecido por ser o autor dos cómics que aparecen na serie Heroes.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: