Vieiros

Vieiros de meu Perfil


Edición xeral

RSS de Edición xeral
Mentres a Garda Civil destaca os cursos de formación realizados

A UFGCS teima en promover a "desobediencia" ao uso do galego

A Unión Federal de Guardias Civiles afirma ser a terceira en número de socios en Galiza e carga contra a Mesa pola Normalización Lingüística.

Redacción - 09:30 14/08/2007

"Afortunadamente a maioría si que defenden a normalización lingüística, aínda que reclaman unha maior formación para poder usar o galego con corrección e fluidez, algo que ten que garantir a Xunta de Galiza", expresaba este luns o presidente da Mesa pola Normalización Lingüística. Segundo Carlos Callón, o colectivo agarda que "os superiores non toleren nin desobediencias nin chamamentos á desobediencia, porque é insostíbel nun estado democrático e de dereito que un garda civil incumpra a lei".

En resposta, a Unión Federal de Guardias Civiles cualificou a Mesa de asociación "dominada por nacionalistas" que "intenta marxinar o castelán". Por outro lado, a UFGCS teima na suposta representatividade dos seus comunicados asegurando que é a terceira en número de socios no país. Aseguran que se ben non se oporán estritamente ao uso do galego nos trámites "ninguén nos imporá a utilización deste idioma xa que temos o castelán como lingua oficial".

Mentres, oficialmente, desde a Garda Civil reiteran que un alto número de axentes fan cursos de galego e defenden que colaboran desde hai anos coa Secretaría Xeral de Política Lingüística para "facilitarlle aos axentes a realización de cursos de lingua galega".


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: