Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Convoca a sociedade Gatocán

Concentración antitaurina na Coruña

Un grupo de persoas manifestarase diante do Coliseum pouco antes de que comece a corrida de touros das festas de María Pita.

Redacción - 09:30 04/08/2007

A sociedade protectora de animais Gatocán, da Coruña, organiza unha concentración antitaurina para este sábado. A asociación pretende concienciar a poboación sobre o maltrato animal que supón a tauromaquia. Por iso, convocan unha protesta pacífica diante do Coliseum da cidade ás seis da tarde, unha hora antes de que comecen as corridas.
A presidenta da asociación, Beatriz Martín, explicou as motivacións da acción de protesta.

Vieiros: Como decidiron levar a cabo a convocatoria?

Beatriz Martín: Porque estamos contra as corridas de touros. Parécenos unha vergoña que se lles chame “festa nacional”. Que polo menos lle cambien o nome.
V: Van facer algún tipo de reivindicación?

B. M.: Imos facer unha manifestación pacífica. Estamos en contra da violencia e da tortura. Queremos demostrar que A Coruña é unha cidade pacífica e non desexamos que ninguén poña a nota discordante.

V: É a primeira manifestación deste tipo que fan?

B. M.: Si. Somos unha sociedade nova. Levamos dende o 18 de abril de 2006. Esperamos seguir traballando a favor dos dereitos dos animais.

V: A Coruña é unha cidade afeccionada ás corridas de touros?

B. M.: Non, A Coruña nunca destacou por ser taurina, pero ultimamente volvéronse introducir as corridas, por iso queremos manifestarnos en contra deses malos tratos aos touros.


4.6/5 (20 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: