Vieiros

O estudo “L'us de la llengua catalana a l'ensenyament superior dels Països Catalans” conclúe que a realidade do catalán é moi diferente segundo en que zonas estean as universidades. O informe, coordinado polo sociólogo Tomeu Simo i Mesquida, revela que é especialmente grave o caso da Universitat Miguel Hernández ou da Universitat d'Alacant, onde o uso do catalán non chega ao 2%.

En declaracións ao xornal Vilaweb, Tomeu Simó sinala que o peor panorama está nos estudos de postgrao. Neste caso, o uso do catalán baixa até un 5,6% de media. O sociólogo opina que a causa está na aposta das universidades por acoller alumnos de fóra: “O peor é que a tendencia non é a de estabilización, máis ben dun retroceso continuo do uso do catalán”