Vieiros

Vieiros de meu Perfil


Fwwwrando

RSS de Fwwwrando
AÍNDA NON SE ABRIU A CONVOCATORIA OFICIAL

Xa son seis mil os internautas que apoian o Puntogal

A ICANN, o ente que rexe os dominios, fai un chamamento para recoller opinións sobre a creación de novos identificadores. Mentres, o dominio de internet para a cultura do país segue a sumar apoios.

M.V. - 17:38 06/06/2007

A recollida de sinaturas a favor de Puntogal, o dominio de internet de primeiro nivel para a lingua e a cultura galegas, acaba de superar a barreira das 6.000 adhesións.

A campaña para colleitar apoios individuais ao “.gal” comezou hai cinco meses. Neste tempo, a asociación promotora da iniciativa proseguiu os contactos para conquistar o respaldo das institucións. Entre as que xa se pronunciaron a favor están a Xunta, o Eixo Atlántico e o Concello de Rianxo.

Nova xuntanza da ICANN este mes
Cómpre lembrar que a ICANN, o ente responsábel da concesión de novos dominios, aínda non abriu a convocatoria para a creación de novos identificadores. Na súa última asemblea en Lisboa, informou de que é posíbel que lance a convocatoria ao final do presente ano, aínda que non hai, polo de agora, comunicación oficial dunha data.

O que si fixo a ICANN é publicar unha guía para asesorar ás numerosos comunidades de todo o mundo que están a espera da convocatoria. Tamén fixo un chamamento para recoller opinións sobre a creación de novos dominios, asunto que discutirá no seu próximo encontro, que terá lugar en Porto Rico a finais deste mes.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: