Vieiros

Vieiros de meu Perfil


Edición xeral

RSS de Edición xeral
Encerro nos concellos

Traballadores de Serrabal péchanse para pediren un cambio de trazado do AVE

As concentracións prodúcense no interior dos consistorios de Vedra, Cee e Arteixo, afectados polo posíbel peche da mina.

M. del Río - 13:40 05/06/2007
Os traballadores despregaron unha pancarta

Os traballadores despregaron unha pancarta

Traballadores da mina de Serrabal e de Ferroatlántica pecháronse nos concellos de Vedra, Cee e Arteixo para pedir un cambio no trazado do AVE entre Compostela e Ourense que ameaza o xacemento. O peche prodúcese co apoio dos concellos afectados, segundo asegurou o delegado de persoal do grupo Ramsa, Florentino Castro.

Castro concentrouse no consistorio de Vedra, municipio onde ten a súa sede social a mina. “O ministerio de Fomento fixo unha manipulación da reunión que tivemos”, afirmou. “Dixeron que todo se ía solucionar e que só estaban pendentes dun pequeno detalle. En realidade, só nos pararon para teren as eleccións tranquilas”.

Segundo o delegado de persoal, no concello de Vedra pecháronse arredor de cen persoas, entre empregados da mina e subcontratados, aos que hai que sumar as mobilizacións dos concellos de Arteixo e de Cee, onde se atopan as factorías de Ferroatlántica que dependen da materia prima.

Os representantes sindicais da CIG e de UXT decidiron o luns que retomarían as accións de presión para demandar un novo trazado do AVE que salve o futuro de 1.500 familias. Afirman que o silicio que se extrae da mina é dunha calidade única en Europa e que paga a pena atrasar o tren de alta velocidade, cuxo trazado definitivo, en todo caso, non está pechado.


4/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: