Vieiros

Vieiros de meu Perfil


Edición xeral

RSS de Edición xeral
'Sempre abril' emítese o 25 ás 22.00

A homenaxe a Zeca nas nosas pantallas

A noite do 25 de abril é a propia para gozar da retransmisión da homenaxe ao Zeca Afonso que tivo lugar o pasado venres 13 de abril en Pontevedra. A TVG e a RTP, no marco do seu primeiro convenio, emiten o concerto. Na televisión galega poderemos velo a partir das 22.00.

Redacción - 17:30 24/04/2007
Silvia Alberte e Carlos Blanco presentaron a gala

Silvia Alberte e Carlos Blanco presentaron a gala

No vixésimo cabodano do cantautor que lle puxo voz á Revolução dos Cravos co tema Grândola, Vila Morena , hai exactamente 33 anos, as televisións públicas de Galiza e Portugal emitirán a súa coprodución, a homenaxe musical a José Afonso. Ademais, prevese elaborar tamén en conxunto documentais e telefilmes.

Segundo o director da TVG, Suso Iglesias, o fin da cooperación entre os dous entes é poñer de manifesto a relación cultural entre as dúas beiras do Miño. A Gala “Sempre Abril” é conducida polo galego Carlos Blanco e a portuguesa por Silvia Alberte; nela participaron preto de trinta grupos e músicos, algúns deles relacionados con Zeca Afonso en vida: Cantores do Redondo, Vitorino, Luis Pastor, Faltriqueira, Xico de Cariño, Treixadura, Víctor Coyote, Antón Reixa, João Afonso, Uxía Senlle, Dulce Pontes, Ugia Pedreira, o azoriano Zeca Madeiros, Miro Casabella, o caboverdiano Tito Paris, Janita Salomé, Sergio Godinho e Narf.

A homenaxe completarase cun documental que inclúe imaxes do cantante e declaracións de amigos do músico, como o portugués Fausto, ou de escritores como Rosa Aneiros, autora da novela sobre abril de 1974 editada por Xerais, Resistencia.


5/5 (8 votos)

Novas relacionadas


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Dulce Pontes, Zeca Medeiros e Uxía
Dulce Pontes, Zeca Medeiros e Uxía
Luis Pastor e Faltriqueira
Luis Pastor e Faltriqueira
Xico de Cariño e Manecas Costa
Xico de Cariño e Manecas Costa