Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Até agora era delegada de Cultura en Pontevedra

Marta Souto será a nova directora xeral para o Deporte

Substituirá a Santiago Domínguez, que se presenta como candidato á alcaldía de Vigo polo BNG.

Redacción - 20:00 12/04/2007

Marta Souto González, até agora delegada de Cultura e Deporte na provincia de Pontevedra, será probabelmente a substituta de Santiago Domínguez Olveira á fronte da Dirección Xeral para o Deporte. O cambio vén dado pola designación do anterior director xeral como candidato do BNG á alcaldía de Vigo.

Segundo informa Europa Press, o nomeamento oficial farase público a finais deste mes. Souto González é licenciada en Filoloxía Galego-Portuguesa pola USC e cursa Socioloxía e Políticas. Foi responsábel do Servizo de Normalización Lingüística do Concello de Vigo e fundadora da Coordenadora de Traballadores e Traballadoras de Normalización Lingüística.

De todos os xeitos, dende a consellaría non quixeron nin confirmar nin desmentir a información e aseguran que a persoa que substitúa a Domínguez seguirá a mesma liña á fronte da dirección xeral.


4,38/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: