Vieiros

Vieiros de meu Perfil


Edición xeral

RSS de Edición xeral
Continúan as mobilizacións

Traballadores auxiliares de Meirama e das Pontes cortan o tráfico da N-550

Esixen a súa recolocación ou xubilacións anticipadas como os seus compañeiros de Endesa e de Fenosa.

Redacción - 19:50 10/04/2007
Central térmica de Meirama, en Cerceda

Central térmica de Meirama, en Cerceda

Case un cento de traballadores das minas de Meirama e das Pontes mobilizáronse o martes á tarde cortando a estrada N-550 ao seu paso por Mesón do Vento, no concello de Ordes. Os manifestantes, contratados por empresas auxiliares, piden unha saída laboral ao peche anunciado dos dous xacementos de lignito.

O acto de protesta estivo convocado polo sindicato CIG, que asegurou que máis de 85 empregados participaron no corte de tráfico, que durou media hora. A folga iniciouse onte para esixir unha solución á clausura das minas das Pontes e de Meirama, prevista para fin de ano. En total, preto de 500 traballadores de empresas auxiliares quedarán na rúa se o Goberno central non toma ningunha medida compensatoria.

Como solución, piden ter dereito a recolocacións ou xubilacións anticipadas como os seus compañeiros contratados por Endesa e Unión Fenosa. O mércores ao mediodía volveranse manifestar polo centro da Coruña.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: