Vieiros

Vieiros de meu Perfil


Edición xeral

RSS de Edición xeral
PLAN PIONEIRO CON NOME DE DEUSA CELTA

Carballo quere dedicar un barrio enteiro ás enerxías renovábeis

O goberno local traballa para pór en marcha un parque temático que tamén sirva para abastecer a zona.

Redacción - 12:24 30/03/2007
O alcalde, Evencio Ferrero, confía na viabilidade do proxecto

O alcalde, Evencio Ferrero, confía na viabilidade do proxecto

De seguro que o poeta Eduardo Pondal nunca se imaxinou que aquela deuse celta chamada Temunde ía dar nome a un proxecto pioneiro en materia de enerxías renovábeis. O alcalde carballés, o nacionalista Evencio Ferrero, presentou este xoves o plan que se vai levar a cabo no barrio da Milagrosa. Ferrero explicou como pretenden crear un parque temático onde o visitante poida ver as vantaxes das enerexías renovábeis e, ao mesmo tempo, xerar enerxía para esa zona da vila.

A iniciativa vaise presentar no Programa Concerto da Unión Europea, onde o goberno municipal agarda completar o financiamento necesario. No proxecto contémplase un museo e tamén un percorrido físico e virtual polo barrio da Milagrosa que permitirá coñecer en tempo real o consumo e a enerxía que se xera na zona.

O goberno local elixiu para o proxecto unha das zonas con máis falta de servizos do casco urbano co fin de revitalizala. Representantes das consellarías de Vivenda, Industria e da Deputación da Coruña, que tamén estiveron na presentación, mostraron o seu apoio ao proxecto.


4,11/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: