Vieiros

Concha Buika estará a partir das nove da noite no teatro Rosalía de Castro da Coruña. A cantante, nada en Mallorca pero de orixe guineana, ofrecerá un concerto que forma parte do programa Música con raíces de Caixanova. Presentará temas do seu último disco, Mi niña Lola.

Na mesma cidade, no pub La Tribuna, tocará ás once da noite o grupo tributo a Bob Dylan The Highlights. E, en Lugo, o grupo The Ellas, formado por Luís Tosar e Piti Sanz, dará a coñecer na sala Babel versións de temas dos anos 80 interpretados orixinalmente por voces femininas.

Rede Galega de Música ao Vivo
Dentro da rede promovida pola Consellería de Cultura haberá catro concertos. En primeiro lugar, Moon Cresta actúa ás dez da noite en La Casa de Arriba Pop, en Vigo. Dende as once, no Clavicémbalo de Lugo estarán Coda, e no pub d'Antón da Laracha, O Leo i Arremecághona.

Tamén na cidade olívica, na Fábrica de Chocolate, tocarán, dende as dez e media, Jabón Blue e Ataque Escampe, que interpretará temas como este Tango do Sintasol: