Vieiros

Vieiros de meu Perfil


Edición xeral

RSS de Edición xeral
Texto "pouco ambicioso"

A lei sobre vítimas do franquismo impide coñecer a identidade dos represores

Amnistía Internacional, Human Rights Watch e a Comisión Internacional de Xuristas, unen as súas voces para criticar o proxecto de lei.

Redacción - 08:00 23/03/2007

Desde a Comisión Internacional de Xuristas, láianse en particular de que o Estado español "liderou procesos internacionais en favor da verdade e a xustiza" en casos parecidos e "agora amosa que lle resulta tan difícil comprometerse coa verdade" dentro das súas propias fronteiras. "É contraditorio", quéixanse desde este colectivo.

Na mesma liña analizan a situación desde Human Rights Watch, sinalando que o texto presentado polo goberno "non asume ningunha responsabilidade polos atroces crimes cometidos durante a Guerra Civil e o franquismo". Ao fío, denuncian que "non mencionan as normas internacionais de dereitos humanos e "nin sequera os principios de verdade, xustiza e reparación".

De igual forma o ven desde Amnistía Internacional, queixándose de que se evite afondar nas causas da represión e de que se teime en protexer a identidade dos que a exerceron. "É un mal exemplo na loita contra a impunidade", afirman.

Os tres colectivos fan o balance logo das reunións mantidas nos últimos días con representantes dos grupos parlamentarios, do propio executivo e do ámbito xudicial, para analizar o borrador en trámite e as posíbeis emendas. Coinciden en que aínda hai tempo para mellorar o proxecto no caso de que exista unha "vontade política real".


4/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: