Vieiros

Hai dez anos, daquela só se cumprira o segundo cabodano do cineasta galego, un amigo e colaborador de Chano traía á memoria ao director de Mamasunción e Sempre Xonxa co relato Champú de Ghanito, un conto que Alfredo escribiu para o seu fillo Aldán.

"Os meus pais, sobre todo, son os encargados de ir enchendo a miña valeira memoria tal que máquina computadora recén estreada. Son eles os que me orientan e me contan cousas das boas xentes, como por exemplo de Chano Piñeiro.

Vin a Chano un día na miña casa cando a miña vida non superaba máis alá dos dous meses, viñera de paso cara a Vigo por ver uns bocetos dunha historia que andaba a maquinar, non lle din a maior importancia xa que era unha das primeiras dúcias de persoas que se proxectaban na miña xove retina, un ser máis que pasaba diante de min coma nunha pantalla (...) "


Velaquí o conto completo.