Vieiros

O Ministerio de Medio Ambiente presentou o pasado mércores en Madrid o informe “Prezos e custes dos servizos de agua en España”, no transcurso da xornada “O uso da auga na economía española”. De acordo cos datos achegados, Lugo resulta ser a cidade do Estado que ofrece o seu servizo de augas a un prezo máis económico, cun prezo de 0,49 euros por metro cúbico. As capitais das Illas Baleares sitúanse no extremo oposto da cidade amurallada, con 2,06 euros.

A responsábel do ministerio, Cristina Narbona, sinalou que segundo a directiva europea referente aos prezos da agua, estes terán que ir incorporando o principio de recuperación de custes para o 2010. Deberanse ir incluíndo, polo tanto, os custes correspondentes á súa depuración e tratamento, entre outros, aínda que haberá excepcións no agro.