Vieiros

Da man dos Trabalhadores do Comercio, visitantes outra vez desta edición de A Polo Ghit, recibimos nova de proposta musical portense: os festivais 'Rock ás Sextas' e 'United in Sound'.

Ademais dos Trabalhadores do Comércio, as bandas Moonspell, Mão Morta, Pedro Abrunhosa, Slimmy e Siniestro Total ofrecerán proximamente, e de balde, concertos na Serra do Pilar, en Gaia. Á beira dos veteranos, o III Festival United in Sound – Concurso de Música Moderna de Vila Nova de Gaia, procura grupos emerxentes e, de xeito inédito, estende a súa convocatoria a bandas de Portugal e Galiza. O prazo de recepción de propostas foi ampliado deica o 9 de xullo. As citas a pé do escenario serán os días 29, 30 e 31 de xullo e os días 5, 6 e 7 de agosto. Entrada libre en todas as xornadas.