Vieiros

Vieiros de meu Perfil


Novo delito ecológico no rio Sárria

enviar noticia abrir debate como vai isto
Edición xestionada por ti
RSS de Novo delito ecológico no rio Sárria

Novo delito ecológico no rio Sárria

Hoje venho de ver na televisom da Galiza umha nova na que se fala de miles de truitas e peixes mortos neste rio ao seu passo por Ronfe, como possível consequência da fábrica de queijos de Sárria e de duas depuradoras da mesma locaidade.

Enviada por Tojo Tojo o 24/08/2009 20:15

O rio da minha infância, que viu nascer ao meu pai com augas cristalinas sobre um mosaico de brilhantes cantos rodados, abeiro de caranguejos e truitas, é hoje umha fugaz lembrança do que noutrora foi. Povoado de inumeráveis moinhos, fervenças, ínsuas de exuberante vegetaçom, o Oríbio - chamado rio Sárria ao passo por esta vila de peregrinos - sofreu por volta do ano 2006 as obras dumha estaçom hisdrográfica na Agreimunde, minha localidade natal. Ao encorar com barreiras de cimento o nível da auga aumentou consideravelmente com o que se silenciaram os pulos da corrente a bater nas pedras. O velho caminho povoado de árvores, silveiras e gestas mudou por umha grotesca língua de formigom que atrai aos autos de muitos curiosos e curiosas. Umha arquitectura de escavadoras e outros monstros mecánicos encaminhou o rio entre gigantescos blocos de granito. Mas os ultrajes à paisagem pátria nom ficaram ai, foi apenas umha fase mais no deterioro da ecologia galega. A minha geraçom achou a este rio sem caranguejos, com montes de escuma branca que tomam o voo à saída das fervenças e cumha ampla colecçom de objectos de lixo que se acumulam atrás das oucas nos remansos, mas o processo de contaminaçom avança a níveis alarmantes, feito que já retratei num dos contos da minha editio princeps, um País oculto pelas silveiras.

Estes últimos três anos o rio está a vir periodicamente tintado por umha estranha cor cinzenta que durante horas impossibilita a codificada clarividência habitual do rio. Na altura, durante a primeira manifestaçom dumha paisagem fluvial que podia ser obra dum pintor daltónico, telefonei para Daniel Vispo. Juntos procuramos a causa deste artifício cromático por umha difícil geografia de silveiras, balados, caminhos e pastos. Após várias pesquisas, tropeçamos com um enérgico torrente branco que ao discorrer entre verdes prados lembrou ao debuxo dos cartons de leite da firma Rio. Era este corgo o responsável dum lenço de pintura abstracta, o reponsável invicto dum grave delito ecológico. Mas qual era a sua procedência? Hoje venho de ver na televisom da Galiza umha nova na que se fala de miles de truitas e peixes mortos neste rio ao seu passo por Ronfe, como possível consequência da fábrica de queijos de Sárria e de duas depuradoras da mesma locaidade.


5/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: