Vieiros

Acordos do persoal

Na asemblea celebrada o pasado 15 de maio en Silleda, o persoal do SDCIF acordou convocar concentracións/manifestacións continuadas en Santiago diante das instalacións da Dirección Xeral de Montes (barrio de San Lázaro) «para esixir o desbloqueo da situación na que se atopa esta negociación», con silencio administrativo desde hai ano e medio.Tamén se acordou convidar todas as organizacións sindicais para apoiar estas reivindicacións, para que desde a unidade se poida conseguir «un bo acordo de condicións laborais» para estes profesionais.

Apoio de CCOO

Como ven facendo até o de agora, o Sindicato Nacional de Comisións Obreiras de Galicia (CCOO) apoia este acto de protesta, e agarda que a participación activa das traballadoras e traballadores do SDCIF e a unidade sindical fagan mudar de actitude aos responsables de Medio Rural para conseguir «unha saída negociada a este longo conflito laboral» antes da temporada de alto risco de incendios.