Vieiros

Como organización sindical, CCOO avoga polos dereitos e as liberdades non só dos traballadores e traballadoras, senón de toda a cidadanía, xa que é dentro desta que a súa actividade cobra sentido.

Desde CCOO consideramos que hoxe máis ca nunca cómpre o traballo conxunto de todas as persoas que defendemos o sistema democrático para combater a ameaza terrorista. Isto só se pode conseguir ofrecendo unha unión sen fisuras que estea por riba das siglas e das disputas partidistas.

Unha vez máis, ETA demostrou que non cre nin na democracia nin no diálogo, que prefire que falen as armas e non as persoas. Pero malia as ameazas, non poderá silenciarnos se actuamos cunha soa voz.