Vieiros

Deixounos Agustín Bueno

Agustín era coñecido, -como non- en Irimia, pois era irimego xa antes de nacer a Asociación. Xunto coa súa compañeira Carmela Capeáns desenvolveron un labor nunca abondo agradecido no seu seo. Porén, aínda que nunca buscaron notoriedade ningunha, ambos os dous son coñecidos fóra tanto polo seu papel na Coordenadora de Crentes Galegos como polo seu labor veciñal no barrio do Castiñeiriño en Santiago ou o seu activismo pacifista, no movemento de obxectores de conciencia, en concreto, da obxección fiscal.

Facendo honra ó seu nome ata o final, Agustín regalou o seu corpo á Facultade de Medicina da Universidade de Santiago, polo que non haberá enterro. Porén, habémonos xuntar para celebrar a súa vida.

Desde aquí enviamos unha aperta e un bico á súa dona, Carmela e ós seus fillos.

Enviada por ManoloCazolo o 06/01/2009 13:30