Vieiros

O acontecido onte no bar "Cabalo Branco" da zona vella de Compostela non ten nome. Varios amigos acudimos a este local a tomar algo, un deles solicitou a carta xa que pola súa condición de alérxico non estaba seguro de poder consumir o pincho que acompaña a cada consumición, e quería pedir unha tapa. Despois de varios improperios do tipo "acojonácheste" ou "aquí non é como alá" chegouse a afirmar que nese local non "se atende a turistas mortos de fame". Dáse a casualidade de que este meu amigo é brasileiro, traballa en Compostela e no grupo había tamén outro cidadán brasileiro, de vacacións na cidade. Cando este último solicitou o libro de reclamacións, o xefe pediu perdón alegando que o camareiro dos insultos estaba bébedo. Como non queríamos máis disturbio, a noite xa estaba estragada e os alí presentes coa boca aberta, decidimos marchar e non denunciar o acontecido. Para máis casualidade, este amigo meu, que hoxe marchou de Compostela e desempeña un cargo de responsabilidade política no Brasil, acababa de responder a unha enquisa dunha televisión na rúa acerca de como os galegos recibimos aos turistas, adulando a nosa hospitalidade. De pena.