Vieiros

Co gallo da visita de Condoleezza Rice a España o vindeiro 1 de xuño, Amnistía Internacional levará a cabo un acto simbólico diante do Consulado dos EE.UU, para denunciar a Guerra en contra do terror liderada por este país dende os atentados do 11 de setembro de 2001.

Isto supuxo a xustificación de medidas que violan os dereitos humanos. Detencións indefinidas sen cargos nin xuízo, detencións incomunicadas, técnicas de interrogatorio consideradas tortura, tratos crueis, inhumanos ou degradantes, desaparicións forzadas e execucións extraxudiciais. Case que seis anos despois, estas prácticas seguen a levarse a cabo en numerosos países do mundo.

A.I. simbolizará os abusos da politica antiterrorista de EE.UU. cun avión que levarán Presos de Guantánamo.