Vieiros

De AGIR consideramos que, às portas da reconfiguraçom do ensino sob os ditados do Processo de Bolonha, as mobilizaçons estudantis como a convocada para o vindouro dia 29 em Compostela, devem transcender reivindicaçons parciais e reformistas para denunciar o cerne da ameaça: a mercantilizaçom do ensino, um de cujos traços mais elementares é a suba dos preços, que segrega, elitiza, e castiga o Povo Trabalhador, privado dum serviço que deveria ser público, gratuito e universal.

É urgente focalizar a luita estudantil na criaçom e afortalamento dum amplo movimento, hoje inexistente, de rechaço a umha reforma educativa que ameaça com tranformar a Universidade pública em mais um produto do mercado em maos de empresas e entidades financeiras.

Foi este o principal objectivo da nossa participaçom na criaçom e potenciaçom do movimento assemblear que, sobretodo na USC, ergueu nos últimos meses a bandeira da resistência contra a aplicaçom do Processo de Bolonha na Galiza, e segue a ser este o nosso propósito no chamamento que fazemos ao estudantado a secundar e participar na jornada de mobilizaçons do próximo 29 de Abril.

De AGIR, com a nossa participaçom nas mobilizaçons, pretendemos converter o que pretendia ser umha jornada destinada a lavar a face dumha praxe estudantil baseada em paralisar durante todo o ano o estudantado, para depois preparar umha bonita marcha festiva, numha jornada de luita contra a mercantilizaçom e compromisso com a defesa dum ensino público, galego, nom patriarcal, de qualidade e democrático.

No 29 de Abril, paremos a mercantilizaçom do ensino!
Defendamos um ensino público, galego, nom patriarcal, de qualidade e democrático!

Às 12 horas na Praça do Toral de Compostela.