Vieiros

Pensamos que sería bo facerlles saber que a nosa filosofía como clientes é a de desenvolvernos na nosa lingua con normalidade no día a día, como cidadáns e como consumidores nun momento dado. Que esta normalidade pasa por ser atendidos, poder consultar e comprar en galego, ao vivo, a través de catálogo ou no ciberespazo. Explícalles a túa filosofía enviando este prego .

PREGO:

Estimada/o responsábel da atención ao cliente de Activa Galicia e GRUCOGA S.A.:

Observo que na súa páxina web vostedes destacan como filosofía da empresa a de "dar o mellor servizo posíbel aos nosos clientes...A boa cadea de atención e servizo vese reflectida nun mellor trato ao clientes finais...". Dicir que me parece unha filosofía acertada sempre e cando non fique en retórica e se manifeste coherentemente en todos os puntos de contacto cos clientes, na relación persoal, telefónica ou a través da súa web.

Neste aspecto, como cidadán galega/o e potencial cliente seu, quería facer unha pequena achega á súa política comercial: Gustaríame poder consultar as súas ofertas e recibir as súas atencións en idioma galego o meu idioma e lingua propia de Galiza, tanto na relación directa ou telefónica que poida ter co seu persoal, como a través da súa páxina web.

Respecto á galeguización da súa web, gustaríame recordarlle que a Confederación de Empresarios de Galiza, CEG (http://www.ceg.es ) oferta de balde un servizo de tradución de páxinas web e calquera outro elemento da empresa sempre que vostedes o soliciten.Sen máis, esperando que a miña suxestión sexa considerada no menor tempo posible, reciba un cordial saúdo.

NOME
DNI

Grazas por colaborar!

CiberIrmandade da Fala
Un povo, unha rede, unha fala.