Vieiros

A Fundaçom Amancio Ortega, que leva o nome do multimilionário de Inditex, vem de entregar ao estudantado do centro gerido por esta Fundaçom um computador por alun@.

Esta campanha de "obséquio", em que participam diversas entidades bancárias e a própria Cámara municipal de Arteijo, anunciara-se já em começos de curso polos mass media, que dérom umha releváncia excepcional ao facto, demontrando o serviço expresso que fam "os comuncadores" dos seus amos, ao outorgar umha auréola de filantropismo puro a este negócio mediático dum dos homens que mais riqueza tem acumulado em todo o planeta.

De AGIR queremos denunciar, na linha contra a privatizaçom do ensino, este facto, mas fazê-lo nas suas mesmas raízes.

Como é possível que seja umha multinacional conhecida pola sua natureza exploradora quem tenha que incentivar a criaçom de centros de estudo para a populaçom galega?

Como pode o governo galego esconder os seus deveres educacionais sob a eventual recepçom de orçamento e logística por umha empresa de prendas de roupa?

Como pode consentir o governo galego que os vazios educacionais se cobram com"escolas de marca"?

Como pode participar a Cámara municipal de Arteijo num acto deste calibre, deixando ao léu a sua dependência de agentes externos?

Estamos à espera de que Reganosa abra escolas em Mugardos? De que Ence o faga na comarca de Ponte-Vedra? De que MacDonald's nos oferte centros de ensino com menus variados e gratuitos?

Empresários de prestígio e caciques, espectáculo medieval.

Foi um acto de merecida homenagem cinematográfica presenciar um acto público em que três ou quatro abastados doavam esta quinta-feira na mao a jovens desnorteados/as computadores com um sorriso e umha fotografia para imortalizar o momento.

Toda umha cena própria dum filme satírico de denúncia da dominaçom duns seres humanos sobre outros que, empobrecidos, acodem ao amparo dos seus "protectores" num acontecimento rodeado de todos os fastos numha vila engalonada para receber as gentes de bem.

Por umha escola ao serviço dos nossos interesses

Além do mais, queremos vindicar a enorme injustiça que se acubilha por trás destes presentes "gratuitos". Enquanto o governo galego nom sabe como atopar financiamento para dotar os centros de ensino de maiores dotaçons tecnológicas, a salvaçom recaiu numha humilde vila galega, onde a mais-valia conseguida por umha empresa graças a, por exemplo, manter aldeias portuguesas trabalhando miseramente por fabricar calçado, serve para aportar algumha migalha em bem da sociedade.

Isso si, sem ter consultado esta qual a mais urgente e importante inovaçom em matéria educacional...

Nós nom estamos polo labor de aguardar a que os grandes peixes do capitalismo se sintam com ganas de elevar a sua popularidade colocando-nos cadeiras banhadas em ouro e lapis de marfil. Nós luitamos pola real distribuiçom da riqueza, exercida polo povo para atender os seus interesses.

FORA A EMPRESA DA ESCOLA!!
POR UM ENSINO NACIONAL E DE QUALIDADE, ORGANIZA-TE E LUITA!!