Vieiros

A sociedade cultural Madia Leva, consciente da grave problemática existente na nosa sociedade para poder acceder a unha vivenda, especialmente, na xente moza, desenvolverá unha serie de actividades co obxectivo de sensibilizar a todos os veciños de Lugo sobre a necesidade de poder gozar con dignidade deste dereito fundamental. Con este obxectivo, o sábado, 22 de decembro, dende as 20:00, o centro social Madia Leva, na rúa Amor Meilán, 18, acollerá o seguinte programa de actos:
-Concerto do grupo Ataque Escampe.
-Cea.
-Pasarrúas antiespeculativo: acto central desta xornada, na que uns "especuladores" moi particulares percorrerán diferentes rúas de Lugo para dar a coñecer as súas xustas reivindicacións, como a "legalización da fraude inmobiliaria" ou a prohibición radical da emancipación da xente nova, quen debera ficar eternamente no fogar familiar.