Vieiros

Umha semana após a sua celebraçom, estamos sem acesso aos dados definitivos e oficiais na secçom especial das eleiçons da página web da Universidade de Compostela.

Ainda, nalgumhas Faculdades como Direito, as pessoas responsáveis das mesas e as pessoas interventoras (entre as quais membros dos CAF, IESGA, GER, IeD e demais trepas), nom pendurárom os resultados em jeito adequado, provocando que o Secretariado dixesse desconhecer onde é que se expugêrom os resultados à Conserjaria do Centro.

Com todos estes entraves, que demonstram a negligência reitoral e dalguns decanatos, e o espírito democrático nulo dos sindicatos amarelos, por trás das boas palavras prévias eleiçons, AGIR pode já dar constáncia dos resultados alcançados pola organizaçom da esquerda independentista em 12 de Dezembro.

Agitaçom prévia

Algumhas pintadas, cartazes vários e o reparto de panfletos à saída e entrada dos centros com candidaturas, constituírom a intervençom propagandística de AGIR sob a legenda "Ajuda-nos a boicotar as Juntas de Faculdade. Vota AGIR".

Os resultados som mui díspares dependendo dos centros. Assim, enquanto que em Direito e Relaçons Laborais os votos desse ridículo 10-20 % de estudantes que passam polas urnas deixou AGIR mui por baixo das demais candidaturas, em Filologia tiramos 9 sobre 9 apresentadas, em Biologia 3 sobre 3, e em Ciências da Educaçom 2 sobre 2.

Na primeira -Filologia-, de facto, o apoio a AGIR alcança uns níveis sobresalientes, porquanto as duas candidaturas (o voto é por pessoa, nom por organizaçom) mais votadas levavam as nossas siglas, por diante das dezenas de pessoas apresentadas polos CAF.

Assembleias de Centro

Nas Faculdades com Assembleias de Centro os resultados deixam ao léu o fracasso do boicote às mesmas promovido polos sectores mais reaccionários do poder universitário. Os colectivos Prologos de Políticas e Vindeiros de História, malia o respaldo institucional e docente a ambos, e o oportunismo dos segundos tirando um vozeiro justo antes das votaçons autoqualificando-se como a derradeira e melhor "marca" do mercado eleitoral, nom conseguírom meter nengum membro.

Este facto veu propiciado em Ciências Políticas polo confronto aberto entre estudantado e Decanato, e a vitoriosa oferta da Assembleia de Políticas, principal impulsionadora do NOM ao novo plano, que conseguiu 8 sobre 8, sendo todas e todos os mais votados. Por trás, mais 4 candidaturas, neste caso dos CAF, também integradas na Plataforma polo Nom.

Em História, as e os 45 estudantes eleitas/os fam parte da Assembleia de Centro, estando a militáncia de AGIR no mesmo em ela integrada. Nengumha organizaçom estudantil ou colectivo tivo força para passar por riba dumha Assembleia na qual só AGIR dissolveu as suas candidaturas individuais, sendo o grosso pessoas nom organizadas.

Também em Filosofia todas as pessoas eleitas fam parte da Assembleia de Filosofia, aberta o curso passado para organizar-se contra a dessídia institucional na qualidade dos estudos, especialmente desprotegidos perante a maré de Bolonha.

Adiante as Assembleias

Parabéns, enfim, porque os primeiros rebúmbios de agitaçom contra o Processo de Bolonha e a conseqüente implantaçom das titulaçons de Graus, vinhessem a pôr algo de ordem nas Juntas em Faculdades onde o estudantado começa a sentir o alento do inimigo capitalista debruçando-se de cheio sobre o ensino superior.

Haverá que aproveitar este pequeno e estreito chanço para chimpar mais alto na luita contra a mercantilizaçom do ensino; nas ruas, e nas aulas.