Vieiros

O dia 20-N, aniversário da tranqüila morte do ditador fascista Francisco Franco, e a umhas poucas horas da celebraçom da manifestaçom de repulsa polo assassinato dum jovem antifascista madrileno, o Conselho Local de AGIR em Compostela organizou umha intervençom da que damos conta a seguir.

Por volta das 13,30 horas do meio-dia, estudantes da USC organizados e organizadas em AGIR deslocárom-se até a Rua Legaz Lacambra, no Cámpus Sul (acarom da Alameda), onde um monólito com umha placa ao seu nome homenageia o que fora reitor da nossa universidade entre 1942 e 1947, após a sua filiaçom com o nacional sindicalismo espanhol, que assim o soubo recompensar.

Resíduos dumha época cuja pervivência nas formas e no fundo da política do Estado burguês espanhol nascido da chamada "Transiçom" manifesta-se no dia-a-dia.

AGIR quer contribuír com esta acçom para a superaçom pola via dos factos da simbologia herdada, e recuperar no seu lugar a memória de quem luitárom por um ensino melhor. Por este motivo foi que no lugar onde se sinaliza a rua, AGIR colocou um cartaz recordatório da Federaçom Universitária Escolar, a FUE, primeira experiência organizativa do estudantado que deu cabo com o alçamento militar de 1936.