Vieiros

Mais de 50 pessoas assistírom à palestra que AGIR organizou esta quinta-feira passada, dia 15 de Novembro, na Faculdade de Direito da Corunha. O convidado, o histórico militante abertzale Iñaki Gil de San Vicente, ofereceu umha intervençom na qual analisou o denominado "conflito basco" sob a perspectiva da história.

O companheiro basco salientou na sua terceira visita à cidade galega que, na sua opiniom como estrangeiro, o grau de conscientizaçom identitário do Povo galego semelha ir em aumento, fenómeno que explicou se aprecia na cada vez mais populosa massa de jovens interessad@s em participar em actos como o organizado por AGIR.

Iñaki Gil reivindicou o direito inalienável da autodeterminaçom da sua naçom e encorajou o estudantado a luitar contra todas as formas de opressom. Em simultáneo, deixou vários retalhos de anécdotas e dados de interesse ocultos polo sistema sobre a dominaçom espanhola e a resistência popular basca, assim como também reivindicou a necessidade de artelhar fortes instrumentos de participaçom política e social para manter acesa a tensom que permite a evoluçom histórica dumha sociedade, exemplificando-o no contexto de Euskal Herria.

AGIR agradeceu a disponibilidade do Iñaki para intervir na Universidade, e permitir à organizaçom estudantil da esquerda independentista achegar ao estudantado galego a voz silenciada da esquerda independentista basca.