Vieiros

Setembro de 2007

Este 22 de Setembro, AGIR fai 7 anos de vida organizativa.

Pode parecer que foi onte quando as organizaçons nacionais Federaçom de Estudantes Revolucionári@s (FER) e Estudantes Independentistas (EI) juntavam forças de maos dadas com os colectivos CAMEM e AEGA.

Mais cercana ainda está a celebraçom do 5º aniversário da organizaçom estudantil da esquerda independentista.

Agora em 2007 caminhamos já cara horizontes de maior envergadura temporal, mantendo os mesmos princípios e compromissos adquiridos na Assembleia Constituínte de Compostela em 2000. A luita organizada em parámetros nacionais e de esquerda conseqüente, dentro do ámbito estudantil do nosso País, e integrad@s solidamente no Movimento de Libertaçom Nacional Galego, empregando ferramentas de emancipaçom dia a dia para a consecuçom dumha Galiza Ceive, Socialista e Antipatriarcal, por um ensino Nacional ao serviço e disposiçom dos interesses das classes trabalhadoras.

7 anos após, AGIR mantém viva a chama da auto-organizaçom assemblear como fundamento da realizaçom de pequenas luitas nas Escolas e Faculdades da Galiza.

Nom vivemos de rendas do passado. Prestes a começar um novo curso escolar, prometemos continuar avante, espalhando a boa nova da nossa sobrevivência a bordo dumha Galiza que avança.