Vieiros

Elitizaçom progressiva. Agravam-se requisitos para aceder à Universidade

Setembro de 2007

O Sistema Universitário Galego continua a sua particular elitizaçom baixo o amparo da burocracia burguesa, que mais um ano eleva as qualificaçons "de corte" requeridas para poder competir por umha vaga em 2 de cada 3 titulaçons.

Até 59 das 83 carreiras imponhem um acesso mais complexo à mocidade que polo geral já ve reduzidas as suas qualificaçons académicas por culpa da prova de Selectivo.

Com esta política, complementar ao estabelecimento de numerus clausus que nom respondem às necessidades do País, senom às carências em recursos humanos e financeiros das três universidades galegas, titulaçons como Medicina requerem um escandoloso 8.68 como mínimo, e Comunicaçom Audiovissual e Educaçom Infantil fechavam as suas vagas em metade do Verao.

Cumpre salientar o caso de Medicina, cujo "corte" ascendeu em 0.74 pontos em só dous cursos. Odontologia, tradicionalmente associada, como a anterior, a profissons elitizadas, alcança este ano um 8.41, subindo em mais de meio ponto com respeito ao 2006/07.

O estudantado proveniente de FP, tem restringido desde Julho o acesso às citadas Comunicaçom Audiovissual e Educaçom Infantil, além de Informática de Sistemas e Odontologia em Compostela, e Enfermagem na Corunha.

Podemos apreciar umha divissom totalmente intolerável entre o estudantado, segundo proceda do Selectivo ou de FP no momento de solicitar a sua entrada na Universidade. Este é outros som os traços elitizadores contra os quais chamamos à autoorganizaçom na luita estudantil.