Edición xeral
Fernando Ónega, nos “Encontros Xornalísticos”
O xornalista galego Fernando Ónega visita Ferrol este venres, día 9 de xuño, para participar como relator no ciclo “Encontros Xornalísticos”. A súa conferencia versará sobre “A información na era da globalización” e o papel que lles corresponde aos profesionais da comunicación na era da descentralización dos medios de masas.
Unha das sesións máis interesantes dos “Encontros Xornalísticos” chega este venres coa intervención do xornalista galego Fernando Ónega, que abordará unha reflexión sobre o papel da información nunha sociedade globalizada na que os medios de comunicación de masas experimentan procesos de descentralización. Ónega percorrerá as diferencias entre as vellas voces do xornalismo e o abarrote da nova comunicación, artellada ao redor de novas ferramentas e instrumentos para o oficio de contar o que acontece.
Será a segunda entrega dun ciclo que comezara o 19 de maio coa intervención do defensor do lector no diario “El País”, Camilo Valdecantos, e que rematará o 16 de xuño cunha mesa redonda sobre “Medios dixitais. Información á carta”. Os convidados para pechar os “Encontros Xornalísticos” nesa data son o director técnico da Cadena COPE, Isaac Moreno; o director editorial da División de Prensa Diaria Grupo Z, Xosé Luis Gómez; e o coordinador técnico comercial de Intelsis, Xosé Luis Cantón. O encontro será moderado polo director de Diario de Ferrol, Xermán Castro.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto