Vieiros

Vieiros de meu Perfil


Edición xeral

RSS de Edición xeral
NO ORZAMENTO DE 2011

Adeus á axuda de 420 euros para os parados sen subsidio?

O ministro de Traballo recoñece que non está claro o futuro dun salario excepcional que na actualidade perciben no Estado Español case 500 mil persoas.

Redacción - 17:33 24/06/2010
Celestino Corbacho

Celestino Corbacho

No Estado Español hai perto de medio millón de persoas (máis de 25 mil persoas en Galiza) sen emprego que están a percibir unha axuda de 420 euros cada mes. Os beneficiarios deste salario extraordinario son desempregados que xa remataron o subsidio de desemprego ao que tiñan dereito, seguen se atopar unha ocupación remunerada e teñen uns recursos económicos moi limitados.

O goberno de Rodríguez Zapatero puxo en marcha estas axudas a mediados de 2009, cando os efectos da crise comezaban a notarse con máis intensidade. Os parados sen ingresos que cumprisen os requisitos podían acollerse a esta paga extraordinaria durante un período máximo de seis meses (ver condicións para acceder a esta axuda excepcional).


Mais en plena guerra contra o déficit público, este tipo de axudas poden ser só pasado. Este mesmo xoves, o ministro de Traballo, Celestino Corbacho, recoñeceu que o executivo ao que pertence terá que debater se vai manter este subsidio especial no ano 2011.

O ministro deixou a dúbida no ar e lembrou que despois do verán o goberno español terá que presentar os orzamento do vindeiro ano e haberá partidas económicas (como a do subsidio especial) que se poden ver afectadas.

Outono quente: Reforma laboral, pensións...

Despois do verán o goberno estatal terá que tomar decisións cruciais. Unha das máis agardadas é a confección dun orzamento que volverá estar marcado pola redución do gasto público. En setembro tamén estará perfilado o proxecto de reforma laboral xa aprobado en primeira instancia polo Consello de Ministros e que entra agora en fase de negociación política co resto de grupos.

Mais tamén en outono tamén podería estar marcado por outro gran debate polémico: A reforma do sistema de pensións. Tal e como lle indica o FMI e a UE, o executivo de Rodríguez Zapatero semella estar disposto a propoñer en firme un aumento a 67 anos da idade mínima de xubilación.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: