Vieiros

Vieiros de meu Perfil


Edición xeral

RSS de Edición xeral
Medidas contra o déficit

Feijoo pide un debate no Senado e cre que "España é un país intervido"

Ademais, o presidente da Xunta apuntou que o Estado español pasou de ser un dos países motores da UE a ser dos que "lastra" a saída da crise.

Redacción - 17:00 14/05/2010
Imaxe da xuntanza do Consello da Xunta que se desenvolveu este venres en San Caetano, Compostela

Imaxe da xuntanza do Consello da Xunta que se desenvolveu este venres en San Caetano, Compostela

O presidente da Xunta, Alberto Núñez Feijoo, reclamou este venres un debate no Senado entre os gobernos das Comunidades Autónomas e o do Estado, xa que considera que o Executivo español está "desautorizado" para tomar medidas que afectan todas as autonomías.

Após o Consello da Xunta, Feijoo insistiu en que uns 500 mil galegos se verán prexudicados polos recortes anunciados por José Luis Rodríguez Zapatero, malia que o Goberno galego non foi consultado nin informado, polo que demandou un debate urxente e "sosegado" na Cámara Alta.

"Estamos fronte a un país intervido, a Unión Europea está tutelando a economía española; o goberno de España está funcionando coma se fose unha caixa intervida polas autoridades monetarias da UE", manifestou o presidente da Xunta.

"Non interesa unha folga xeral"
Ademais, apuntou que o Estado español pasou de ser un dos países motores da UE a ser dos que "lastra" a saída da crise. Por iso, a preguntas sobre posíbeis reaccións dos sindicatos, indicou que "non interesa en ningún caso unha folga xeral", e demandou "altura de miras" e "moitísima coherencia" ás centrais, porque é "o último que lle que faltaba" á economía.

Igualmente, sostivo que os pensionistas van pagar as "frivolidades" do goberno español. "O lóxico é que nos escoite", apuntou neste senso, ao tempo que sinalou que as medidas anunciadas por Rodríguez Zapatero equivalen a "unha dimisión, iso si, sen marchar".


1/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: