Vieiros

Vieiros de meu Perfil


Edición xeral

RSS de Edición xeral
Segunda volta electoral

A dereita arrampla coa maioría do Parlamento húngaro

Logo de oito anos na oposición o Fidesz chimpa aos 263 escanos nunha Cámara de 386 asentos, mentres os socialistas afunden na preferencia do electorado.

Redacción - 09:00 26/04/2010
Viktor Orban / Imaxe: Wikipedia

Viktor Orban / Imaxe: Wikipedia

Viktor Orban, quen xa fora primeiro ministro en Hungría entre os anos 1998 e 2002, será outra vez home forte da política no seu país logo da segunda volta das eleccións lexislativas este domingo. Un xiro á dereita no país que as enquisas xa agoiraban e que confirma o desgaste e afundimento do actual goberno socialista no medio da conxuntura de crise económica con elevadas taxas de desemprego e pobreza.

Á fronte do Fidesz, Orban ampliou a vitoria xa abrollada hai dúas semanas na primeira quenda de votacións, confirmando o regreso ao poder dos conservadores despois de oito anos na oposición. A elección deste domingo devolvía ás urnas os votantes de 57 das 176 circunscricións onde ningún candidato obtivera a maioría absoluta o pasado 11 de abril. Finalmente, o partido de Orban rabuña 263 escanos nunha Cámara de 386 asentos, abondo para, entre outros, acometer unha proxectada reforma da Constitución sen necesidade de pactos.

Para ampliar:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: