Vieiros

Vieiros de meu Perfil


Edición xeral

RSS de Edición xeral
POR CRIMES DE LESA HUMANIDADE

Reynaldo Bignone, último presidente da ditadura militar arxentina, condenado a 25 anos de cadea

A xustiza considera probado o seu papel represor na súa etapa como director do centro represor Campo de Mayo.

Redacción - 10:00 21/04/2010

Entre 1976 e 1978, Reynaldo Bignone foi director militar do tristemente famoso Campo de Mayo (un dos centros de represión contra os opositores á ditadura militar). Agora un tribunal arxentino vén de dar a coñecer unha sentenza que o condena a 25 anos de cadea por crimes de lesa humanidade. Os maxistrados tamén ordenaron o seu ingreso nun centro penitenciario (até o de agora estaba baixo arresto domiciliario).

Bignone, de 82 anos de idade, foi entre xullo de 1982 e decembro de 1983 o último presidente da ditadura militar arxentina. En abril de 1983 anunciou a convocatoria de eleccións pero, ao mesmo tempo, deu instrucións para que se fixese desparacer toda documentación comprometida que demostraba a existencia de asasinatos e torturas a opositores. Poucos meses antes de abandonar o poder, Bignone ditou unha lei de amnistía (ou “autoamnistía) que logo sería revogada polo parlamento democrático.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: