Vieiros

Vieiros de meu Perfil


Edición xeral

RSS de Edición xeral
A UN ANO DAS MUNICIPAIS

O BNG acusa a PP e PSdeG de perpetuar a fraude no voto emigrante

Os nacionalistas abren unha guerra política para que os dous grandes partidos estatais non recúen na intención de levar a cabo unha reforma ambiciosa.

Redacción - 19:45 20/04/2010

A pouco máis dun ano das eleccións municipais, o debate sobre os votos que chegan do exterior volve coller forza. A última polémica ten que ver coa suposta marcha atrás dos dous grandes partidos estatais (PSOE e PP) que tiñan un principio de acordo para que a nova lei electoral vetase o voto dos emigrantes en comicios locais e autonómicos.

Diante disto, o BNG abriu unha nova fronte de batalla para presionar diante da opinión pública a socialistas e 'populares'. O seu voceiro nacional, Guillerme Vázquez, asegurou en Cangas que “estamos diante dunha actitude de vacilación por parte do PP e PSOE que non sei se ten máis a ver con seguir intentando usar fraudulentamente este voto que con darlle unha solución racional a esta cuestión”.

O voceiro nacionalista no Parlamento, Carlos Aymerich, coincidiu con Vázquez ao sinalar que “non haberá diñeiro para os servizos sociais, pero xa veremos que para viaxar a Arxentina e Uruguai o ano que vén si o haberá”. Aymerich fixo unha aposta na cámara a que nas vindeiras eleccións municipais o voto emigrante seguirá a chegar sen garantías.


4.58/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: