Vieiros

O primeiro trimestre do ano chega con balance de crecemento intenso do Produto Interior Bruto (PIB) en China: un 11,9% nese treito, cifra que supera as previsións marcadas polos expertos e polo propio executivo. Un camiño que confirmaría que con probabilidade este ano China pasaría a ser a segunda economía do planeta, por diante de Xapón.

Na prensa económica, os expertos que seguen a evolución do xigante chinés atribúenlle estes números en parte á inxección de estímulo fiscal deseñada polo executivo chinés, cun incremento da confianza cidadá e do consumo. Con todo, ese elevado crecemento agocharía sombras de preocupación derivadas principalmente do que se ve como unha posíbel caída de China nunha burbulla inmobiliaria. Segundo os parámetros usados polo executivo chinés, arredor de 40 millóns de persoas viven por baixo do que se considera a barreira da pobreza no país, aínda que a administración chinesa anunciou o cambio do sistema, de xeito que a cifra real de pobres en China dobraríase até os 80 millóns de persoas.

Para ampliar:

• Xinhua
• Wall Street Journal
• Cinco Días