Vieiros

Logo de semanas de enfrontamento aberto entre a Xunta e o goberno español pola Lei de Caixas, o gabinete do presidente galego informou que acaba de enviarlle unha carta a Zapatero para solicitar un encontro urxente. A misiva vai rumbo a Madrid despois de que Feijoo se comprometera o pasado martes a intentar unha última xuntanza co executivo español para desbloquear os puntos da lei que recorreu xudicialmente o goberno estatal.

Dende a Xunta agardan que a “intervención directa do presidente nun asunto prioritario” pode ser “unha solución que resolva o incidente institucional”. Segundo a nota, Feijoo está “convencio de que Zapatero comparte o ánimo de atopar unha solución que satisfaga as dúbidas do goberno español respecto ao texto galego”.